Home
ગુજરાત
Surat News : આખી રાત ઈ-બાઈક ચાર્જિંગમાં રહેતા થયો બ્લાસ્ટ, ગેસનો બાટલો ફાટતા એક યુવતીનું મોત તો પાંચ સભ્યો દાઝ્યા

Surat News : આખી રાત ઈ-બાઈક ચાર્જિંગમાં રહેતા થયો બ્લાસ્ટ, ગેસનો બાટલો ફાટતા એક યુવતીનું મોત તો પાંચ સભ્યો દાઝ્યા

09:29 PM June 21, 2024 gujjunewschannel.in

Surat News : સુરતના લિંબાયત ઝોન વિસ્તારમાં આવેલા લક્ષ્મીપાર્ક રોહાઉસ સોસાયટીના એક મકાનમાં ચાર્જિંગમાં રહેલું Blast in Charging E-Bike ઇ-બાઈક બ્લાસ્ટ થતા ગેસ સિલિન્ડટ પણ ફાટ્યો હતો. જેનાથી વિકરાળ આગ લાગી હતી. વહેલી સવારે બે જબરદસ્ત ધડાકા થતાં લોકોમાં ભયનો માહોલ છવાયો હતો. ફ્લેટમાં રહેતા રહિશે સોસાયટીમાં ઈ-બાઈક ચાર્જ કરવા મુકી હતી. આ દરમિયાન બ્લાસ્ટ થયો હતો અને આગ ફાટી નીકળી હતી. આ આગ નજીકમાં પડેલા ગેસ સિલિન્ડર સુધી પહોંચતા સિલિન્ડરમાં પણ બ્લાસ્ટ થયો હતો.બ્લાસ્ટથી એક દીવાલ અને દરવાજો પણ તૂટી ગયો હતો. પાંચ લોકોનો પરિવાર આ આગની ઝપેટમાં આવ્યો હતો. જેમાં 18 વર્ષની યુવતી આગમાં ભડથું થઈ ગઇ છે. જ્યારે અન્ય ચાર સભ્યો દાઝી જતા તમામને સારવાર માટે હોસ્પિટલ ખસેડાયા છે. જ્યારે એક યુવતીનું દાઝી જવાથી મોત નિપજ્યું છે.

► ઈ-બાઈકની બેટરી ફાટતા 18 વર્ષિય યુવતીનું મોત

પ્રાપ્ત માહિતી અનુસાર, સુરતના લિંબાયતમાં એક હાર્ડવેર દુકાનની ઉપરના ભાગે રહેણાંક મકાનમાં પરિવાર રહેતો હતો, તેમનું ઈ બાઈક દુકાનના પાછળના ભાગે આખી રાત ચાર્જિંગમાં મુકેલુ હતું, તે સમયે વહેલી સવારે આગ લાગી હતી, અને આગ ફેલાતી ફેલાતી ગેસ સિલિન્ડર સુધી પહોંચતા મોટો બ્લાસ્ટ થયો, આ દુર્ઘટનામાં એક જ પરિવારના ચાર પાંચ સભ્યો દાઝી ગયા હતા જેમાં એક 18 વર્ષિય યુવતીનું મોત થયું છે.

► આખી રાત ઈ બાઈક ચાર્જિંગમાં મુકતા ફાટી હતી

વિગતે ઘટનાની વાત કરીએ તો, લિંબાયત વિસ્તારમાં પરિવાર હાર્ડવેરની દુકાનની પાછળના વાડામાં ચાર્જિંગ પોઈન્ટ હોવાથી ઈ બાઈક રાત્રે ચાર્જિંગમાં મુકી સુઈ ગયો હતો. વહેલી સવારે અચાનક તેમાં આગ લાગી હતી, આગ જોત જોતામાં ફેલાઈ ગઈ અને નજીકમાં રહેલા ગેસ સિલિન્ડર સુધી પહોંચતા તેમાં બ્લાસ્ટ થયો. બ્લાસ્ટના કારણે દુકાનની પાછળની દિવાલ તથા ઘરના કાચના દરવાજા પણ તૂટી ગયા.

► ઈ-બાઈકની સાથે ગેસનો બાટલો પણ ફાટ્યો હતો

ફાયર વિભાગને વહેલી સવારે 5.30 કલાકે કોલ મળતા ટીમ ઘટના સ્થળે પહોંચી ગઈ હતા, અને રેસક્યુ શરૂ કર્યું હતુ, પાંચ લોકોને ઘરમાંથી બહાર કાઢવામાં આવ્યા હતા, તમામને સ્વિમેર હોસ્પિટમાં ખસેડવામાં આવ્યા હતા, જેમાં એક યુવતીનું મોત નિપજ્યું છે, જ્યારે ચાર લોકોની સારવાર ચાલી રહી છે.

► એક જ પરિવારના 5 દાઝ્યા, 4 સારવાર હેઠળ

સૂત્રો અનુસાર, આગ દુર્ઘટનામાં દાઝી ગયેલા લોકોમાં પાંચે લોકો એક જ પરિવારના હતા, જેમાં દોલારામ સિરવી (ઉ.46), ચંપાબેન દોલારામ સિરવી (ઉ.42), ચિરાગ સિરવી(ઉ.8), દેવિકા સિરવી (ઉ.14) અને મહિમા સિરવી (ઉ.18). જેમાં મહિમા દોલારામ સિરવીનું ગંભીર રીતે દાઝી જતા મોત નિપજ્યું છે.

ઘટનાની જાણ થતા ડેપ્યુટી મેયર નરેન્દ્ર પાટિલ પીડિતોની ખબર અંતર માટે હોસ્પિટલ પહોંચ્યા હતા. તેમણે દાઝી ગયેલા પરિવારની સારવાર માટે તકેદારીના પગલાનો આદેશ આપ્યો હતો. તેમણે મીડિયાને જણાવ્યું કે, વહેલી સવારે આગ લાગી હતી, અને પરિવાર સુતો હતો, આગ નીચે દુકાનના પાછળના ભાગે આખી રાત ઈ બાઈક ચાર્જિંગ મુક્યું ત્યાં લાગી હતી. અને પછી આગ ફેલાઈ ગઈ હતી, અને ગેસ સિલિન્ડર બ્લાસ્ટ થતા વધુ વિકરાળ બની હતી, આ આગની ઘટનામાં હાર્ડવેરની દુકાન સહિત આજુ બાજુની દુકાનમાં પણ નુકશાન પહોંચ્યું છે. ફાયર વિભાગ તપાસ કરી રહી છે.